Kawe raso nok tulis dale bahasa kelate jah kali ni. Biar tahu sikit bahaso ibunda kawe. Biarlah ore nok kato gapo pun. Hok penting kawe nok luah perasaan sikit. Sejak duo menjak ni, kawe tengah pening sikit sebabnyo kawe pun tak tahu bakpo. Mungkin sebab nok dekat denge perikso final kot. Boleh jadi jugo asyik duk mikir pasal masa depe denge tanggungjawab ko berat loni. Tapi apo pun kawe terima ujian denge amanah Allah ni seadonya.
Biasolah tu, kalu hati duk sero risa denge serabut sebab pikir bendo baik. Bagi kawe takdok masalah pun. Mungkin tu boleh jadi saloh satu dalil kawe ni masih waras lagi. Mitok jauh la dari penyakit sebaliknyo.
Berbalik ko crito kali ni stail versi bahaso klate.
Sokmo, bilo jah kawe buko online paper, tok kiro berita harian, harakahdaily, harianmetro, utusan, Malaysia kini and others gholibnyo cerito dale paper-paper ni mesti tok lari dari cerito politik dale negaro, rasuah, bunuh membunuh, bedil membedil, ore Islam keno bunuh, keh naik turun mahkamah, keh zina, keh keno rogol, tunjuk perasaan, keh exciden dan mace-mace keh lagi.
Kalu kawe nok crito sini meme banyoklah. Sero po tok cukup muko surat pulok nok taip. Tapi boleh kato, belako hak jadi ni meme kade-kade tuh buat kawe raso nyapoh jah tengok dan kade-kade buat hati kawe jadi sayu pulok.
Kawe ado bual denge abe kawe. Dio kato “ pah ko kito duk jadi pok turut duk ikut ko sek-sek politik neh, padahal hok buleh projek-projek sek-sek dio jah. Hok alek sini denge caro sini, hok sano denge caro sano, duk musing alek bendo samo. “ Tu pandange individu deh, buke pandange kawe.
Bagi kawe pulok, kade-kade kawe nyapoh jugok tengok adegan-adegan politik ni. Kade-kade tuh boring. Kalu bendo hok bawo paedah ko kito denge ado kaitan pasal agamo kawe tak dok masalah. Cumo bilo nok baloh pasal bendo-bendo hok xdok paedoh tu jah hok kawe raso nyampoh. Kalu tengok dewan rakyat tuh, sero srupo duk tepat ore jual ike jah. Tepik sano, tepik sini. Pah ceroh blako.
Tok leh ko wat mesyuarat molek. Ore kato bice dari hati ke hati. Doh line berlaine nok masuk line gano deh? Blako ado warno masing-masing.
Tapi, kalu duk bahas pasal nok naik syiar Islam tok pun bendo-bendo hok berkaitan Islam. Kawe meme setuju. Selagi mano bendo tu boleh bawo paedoh kepado Islam kawe akan sokong. Tok kiro demo duk alek mano. Asalke betul caro jah.
Pahtu, so lagi nok crito sini. Kawe meme tok puah hati betul denge kerajaan loni termasuk skali denge hok jago bahagie zakat kelate.
Bakpo la, sek-sek kerajaan tok se wi bantuan ngaji ko pelaja-pelaja bidang agamo hok ngaji timur tengoh. Padahal ore hok ngaji agamo ni la pautnyo sek-sek demo keno tolong. Keno adil la deh. Tokleh wi banyok wi sikit pun jadi.
Kato One Malaysian.
Tak dok ko mano-mano tok wakil nok bawo isu ni ko dewan rakyat? Kalu bawok doh, bawok la pulok. Banyok pahalo kalu atah asbab demo plaja-plaja agama ni dapat bantue.
Kawe tahu, kalu ngaji di university dale negaro bagi juruse agama kito buleh jah nok apply tuk scholar JPA denge syarat CGPA 3.50 ke atah. Tapi tok leh ko buat gitu jugok tuk plaja-plaja kito hok ngaji juruse agama di oversea neh. Diskriminasi sungguh la. Pah cerohhh.
Pahtu, pasal zakat tuk ore ngaji agamo asal kelate. Kawe pun tok pehe la. Bakpo la zakat kelate ni susoh nok buleh pahtu pulok buleh pun sikit. Padahal kawe dengar-dengar la. Bayaran zakat di kelate lah bayare paling mahal sekali kalu nok kiro atah kertah. Tak dok ko sapo-sapo hok nok tolong penaik bantuan zakat neh. Negeri-negeri lain blako penaik doh.
Tapi kalu kito, masih zuhud lagi duk takat lamo jah. Tok se genjok langsung. Nok wat gano deh. Buatlah perubahan sikit MAIK.
Habeh doh hok tok puah hati tuh.
Nok masuk crito sedih pulok.
Tok teraso pelik denge takut ko, hari-hari kalu kito baco paper pasti ado crito pasal bunuh, pasal exciden, pasal pecoh rumoh, pasal bedil, pasal masalah remajo jate denge remajo tino, masalah bohsia, masalah mat rempit, masalah dadoh .Tok teraso takut ko, kalu lepah ni bendo-bendo ni akan jadi ko kaum kerabat kito. Nauzubillah min zalik.
Paling sedihnyo. Belako ni jadi kat ore-ore Melayu hok agamo dio agamo Islam. Guano la ore Islam 10 tahun lagi kalu maso ni pun kucar kacir doh.
Kito duk kalut ko negara lain, tapi negaro kito loni duk dale kedaae agok paroh jugok la. Kalu dari segi indeks rasuah, indeks kes dero, indeks kes juvana, indeks kes ore isap dadoh. Raso-raso negaro kito lah hok duk ranking antara paling atah.
Kalu kito masih lagi sero sene, sero tene, sero selesa dengan kedaae gini kawe tok leh nok kato apo doh la. Meme tak dok ubat doh tuh.
Hok peliknyo dale keadaae negaro gini, bakpo la sek-sek atasan nuh tok se cari jalan sepakat macam mano nok uboh blako ni jadi molek.
Duk asyik pike ko projek-projek, nok kekalkan undi dalam PR pahni. Meme tok jadi kijo kalu bendo-bendo ni tok setel lagi. Kalu tok leh setel blako setel sikit-sikit pun jadi.
Mari kito pakat uboh slow-slow kalu tok leh laju gak. Hok moleknya mari kito pakat uboh diri kito dulu la. Nanti takut ore kato “ cakap lebat, buat hampeh .“ Kawe tuju ko diri kawe jugok neh biar jadi peringate ko diri kawe sekali.
Nanti kawe sambung balik cerito, luahan hati, perkongsian pada edisi seterusnya. Nok gi baco buku pulok.
No comments:
Post a Comment